من المهم جداً إننا نركز على نوعية الأكل اللي بيتناوله الأطفال خلال اليوم الدراسي، لأن التغذية السليمة بتلعب دور كبير في تحسين التركيز والأداء العقلي والجسدي. اختيار الوجبات والمشروبات الصحية في اللانش بوكس ممكن يساعد الأطفال على الحفاظ على مستوى طاقة مستمر وتحسين صحتهم بشكل عام كل لقمة بتدخل جسم الطفل هي استثمار في مستقبله علشان كده دكتور هشام الوصيف هيعرفنا علي أهم الوجبات الأساسية اللي نركز عليها للاطفال في اللانش بوكس والمشروبات المغذية للجسم
السندوتشات المتنوعة :
السندوتشات تعتبر من أساسيات اللانش بوكس من المهم إنها تحتوي على البروتين والخضار عشان تمد الطفل بالطاقة والتركيز خلال اليوم الدراسي بعض الأفكار:
- سندوتش الجبن مع الخضار: زي الجبنة البيضاء أو الجبن الشيدر مع شرائح الخيار والطماطم.
- سندوتش الفراخ المشوية: قطع فراخ مشوية مع خس وعيش قمح كامل.
- سندوتش التونة: تونة مع شرائح الفلفل الألوان أو الذرة الحلوة، وممكن شوية مايونيز لايت.
الفاكهة الطازة :
الفواكه غنية بالفيتامينات اللي بتقوي المناعة وتمد الجسم بالطاقة. اختار فواكه سهلة الأكل وتحافظ على نضارتها زي:
- التفاح.
- الموز.
- العنب.
- قطع الشمام أو البطيخ.
الزبادي :
الزبادي مصدر ممتاز للكالسيوم والبروتين، وبيساعد في الهضم. ممكن تضيف له شوية فواكه زي الفراولة أو العسل لتحسين الطعم.
مكسرات أو فواكه مجففة :
المكسرات زي اللوز أو عين الجمل والفواكه المجففة زي التين أو المشمش، بيحتووا على دهون صحية وألياف غذائية، وبيساعدوا في توفير طاقة سريعة خلال اليوم.
البسكويت أو الكيك البيتي :
ممكن تضيف شوية حلوى لكن بشكل صحي. مثلاً، بسكويت الشوفان أو كيك الموز المصنوع في البيت بمكونات طبيعية وصحية.
المشروبات المغذية للجسم
دي أكتر حاجة أساسية، لازم كل طفل ياخد زجاجة مية معاه عشان يحافظ على ترطيب جسمه
العصير الطبيعي
بدل العصائر الجاهزة اللي مليانة سكر، حضر عصير فريش في البيت زي:
- عصير البرتقال.
- عصير الجوافة.
- عصير التفاح.
اللبن :
اللبن غني بالكالسيوم والبروتين وبيساعد في تقوية العظام. ممكن تضيف له نكهة زي الفراولة أو الكاكاو لكن بشكل صحي.
المشروبات الدافئة
في أيام الشتاء، ممكن تضيف مشروبات دافئة زي:
الحليب بالعسل: مشروب مريح وبيساعد في تهدئة الطفل قبل الدوام الدراسي.
اللأنش بوكس مش بس وسيلة عشان الطفل ياكل في المدرسة، هو جزء من بناء جسمه وعقله. لازم الأكل يكون متوازن ويشمل البروتين، الكربوهيدرات، والخضار. والاهتمام بالمشروبات زي المية والعصير الطبيعي مهم للحفاظ على صحة الأطفال طول اليوم